Белая вежа (1276 г.) Вежа-данжон знаходзіцца ў Камянцы, Брэсцкай вобласці. У 39 км ад Брэста. На самай справе яна не белая, а чырвоная. Мода называць вежу белай пайшла яшчэ пры саветах, калі яе бялілі вапнай. Некалькі гадоў таму исторрическую вырашылі справядлівасць аднавіць і пабел змылі. Камянецкая вежа - нямы сведка многіх старонак гісторыі і кровапралітных баталій мінулых стагоддзяў. У XIV ст. яе шматразова штурмавалі рыцары-крыжакі, штурмавалі войскі польскага князя Мазавецкага, літоўскіх князеў Вітаўта і Ягайлы. У XVII ст. у Камянцы ля сцен крэпасці ішлі жорсткія баі паміж войскамі Рэчы Паспалітай і Маскоўскай дзяржавы. Вежа круглая з вонкавым дыяметрам 13,6 м пры таўшчыні сцен 2,5 м. Вышыня збудавання каля 30 м. Пяць ярусаў, ці паверхаў, вежы, прарэзаны вокнамі-байніцамі, злучаліся паміж сабой унутранай драўлянай лесвіцай. Агульная плошча паверхаў перавышала 300 кв. м., што дазваляла ў час абароны размясціць на іх шмат воінаў.
